انا انتظرك و عجّل لا تأخر
ترى من بعدكم ما طاب نومي
شقيت بحبكم واصيح واسهر
لجل مثلك مع الناس معدومي
نزل حبك بوسط القلب عسكر
وأمر جنده علينا بالهجومي
وانا قلبي من اشواقه تكسر
ونور العين ماهو لي رحومي
ما شاف الدمع يوم انه تنثر
على الخدين باقي له رسومي
الى جا الليل والخاطر تكدر
وضاق الصدر من كثر الهمومي
دقاق الرمش ماله شيٍ اكثر
يبي يحرق ضميري بالوسومي
سهرت ونحت و فؤادي تأثر
وهو مرتاح وعيونه تنومي